eling biyung

 laire mung bondo slendang kawung

kemulan anyep dadi anget ing wayah dalu

tangise jabang bayi nglegakno dadane eyang kakung

wes ditahan banyu moto isih ngembes nlutuh

bungahe biyung kelewat angkane 

nganti lali anggone nyikep singset nali

tombo teko loro lungo bocah iki wes kersane

nyusoni karo umik-umik mbrebes mili

pandungone biyung mesiyo nawondas tur lirih

diselingi sengguk tangisane, aku ngrungokno

dadi wong sak madya wae, nyelehke nafsu kekalih

open ingkang kaping telu eling marang seng kuoso

biyung niku saneh tiyang resik mening, tanpa cidro

weruhe mung blokosuto, yen ora seneng luwih apik nyingkrih

ora selak marang kahanan, diadepi tapi ora sembrono

ngajari wiwit cilik ojo crah karo sedulur, andum yen ono luwih

ooh biyung kulo nyuwun pangapuro, kulo dereng saged

damel bungahe manah, ooh biyung kulo kelangan

 rasane sedih, isone mung ndongaaken mugi gusti midhanget

urip iki sementara, tapi rasa tresnoku ora sirna nir sambikala